فون ٹیاپنگ معاملہ۔دو ملزمین کی ضمانت منظور

حیدرآباد: تلنگانہ ہائی کورٹ نے جمعرات کو سابق اسسٹنٹ سپرنٹنڈنٹ پولیس بھوجنگ راؤ اور سابق ڈپٹی کمشنر پولیس رادھاکشن راؤ کو ضمانت دے دی، جو فون ٹیاپنگ معاملہ میں ملزم تھے۔

عدالت نے انہیں یہ بھی ہدایت کی کہ وہ ایک ایک لاکھ روپے کی دو ضمانتیں جمع کرائیں اور اپنے پاسپورٹ حوالے کریں۔

عدالت نے انہیں کیس میں جانچ عمل میں تعاون کرنے کی ہدایت کی۔واضح رہے کہ فون ٹیاپنگ معاملہ نے تلنگانہ میں سنسنی پھیلا دی تھی۔