کے سی آر کے نا اہل انتظامیہ کے سبب دوسری مرتبہ پریلمنری امتحان ملتوی کیا گیا: کشن ریڈی

حیدرآباد: مرکزی وزیر سیاحت و تلنگانہ بی جے پی کے صدر کشن ریڈی نے گروپ ون پریلمنری امتحان کے انعقاد میں مبینہ نااہلی پر ریاست کی بی آر ایس حکومت پر تنقید کی۔  

اپنے بیان میں کشن ریڈی نے افسوس کااظہار کرتے ہوئے کہا کہ وزیراعلیٰ چندر شیکھر راؤ کی حکومت کے نااہل انتظامیہ اور مناسب فیصلے کرنے میں ناکامی پر مسلسل دوسری مرتبہ پری لمنری امتحان کو ملتوی کیا گیا ہے۔

 انہوں نے نشاندہی کرتے ہوئے کہا کہ حکومت نے پانی، فنڈس اور ملازمتوں کے مواقع کا وعدہ کیا تھا۔ تاہم حکومت ملازمتوں کی فراہمی کے محاذ پر بھی ناکام ہوگئی ہے۔

انہوں نے الزام لگایا کہ ریاستی حکومت نااہلی اورلاپرواہی کا مظاہرہ کررہی ہے۔ انہوں نے نشاندہی کرتے ہوئے کہا کہ مختلف پہلوؤں بشمول درخواستوں کے عمل سے لاپرواہی کا آغاز ہورہا ہے۔