محبوب نگر میں راجیو یوا وکاسم اسکیم کے تحت خود روزگار کے لیے درخواستوں کی آخری تاریخ 14 اپریل مقرر

محبوب نگر: حکومت کی جانب سے بے روزگار نوجوانوں کو خود روزگار کے مواقع فراہم کرنے کے مقصد سے شروع کی گئی راجیو یوا وکاسم اسکیم کے تحت درخواستیں داخل کرنے کی آخری تاریخ 14 اپریل مقرر کی گئی ہے۔

یہ اسکیم اقلیتی اور بی سی طبقات کے نوجوانوں کے لیے ہے جن کی عمر 21 سے 60 سال کے درمیان ہو۔ زراعت سے منسلک نوجوانوں کے لیے عمر کی حد 21 سے 55 سال رکھی گئی ہے۔ اسکیم کا مقصد ان طبقات کے نوجوانوں کو غیر زرعی شعبوں میں خود روزگار کے مواقع فراہم کرنا ہے۔

درخواست گزار اپنی مکمل دستاویزات کے ساتھ منڈل پریشد ڈیولپمنٹ آفس یا بلدیہ میں 14 اپریل تک درخواست داخل کرسکتے ہیں۔

مالی امداد اور سبسڈی کی تفصیلات:

• 50,000 روپے تک کے یونٹس: 100% سبسڈی
• 50,000 تا 1 لاکھ روپے یونٹس: 90% سبسڈی
• 1 لاکھ تا 2 لاکھ روپے یونٹس: 80% سبسڈی
• 2 لاکھ تا 4 لاکھ روپے یونٹس: 70% سبسڈی

باقی رقم بینک قرض کی شکل میں فراہم کی جائے گی۔

درخواست کے ساتھ ضروری دستاویزات:

1. آدھار کارڈ
2. راشن کارڈ
3. ذات کا سرٹیفکیٹ
4. پٹہ دار پاس بک
5. یونٹس سے متعلق مکمل دستاویزات
6. پاسپورٹ سائز تصویر
7. پسماندہ طبقہ سے تعلق رکھنے کی تصدیق شدہ کاپی

حکام نے نوجوانوں سے اپیل کی ہے کہ وہ اس اسکیم سے بھرپور فائدہ اٹھائیں اور بروقت اپنی درخواستیں داخل کریں تاکہ خود روزگار کے خواب کو حقیقت میں بدلا جا سکے۔