تلنگانہ: لاری کو بس کی ٹکر۔دس افرادزخمی

حیدرآباد: تلنگانہ کے ضلع سدی پیٹ میں پیش آئے سڑک حادثہ میں دس مسافرین زخمی ہوگئے۔

یہ حادثہ ضلع کے کونڈاپاکا راجیو راہداری پراُس وقت پیش آیا جب ٹول گیٹ کے قریب ٹہری ہوئی لاری کوپرائیویٹ ٹراویلس کی بس نے ٹکر دے دی۔

تمام زخمیوں کو علاج کے لئے اسپتال منتقل کردیاگیا۔حادثہ اتنا خطرناک تھا کہ بس کے سامنے کے حصہ کو شدید نقصان پہنچا۔

عینی شاہدین نے بتایا کہ پرائیویٹ ٹراویلس کی بس کے ڈرائیور کی لاپرواہی کے نتیجہ میں یہ حادثہ پیش آیا۔