نئے سکریٹریٹ کے افتتاح کی تیاریاں جاری

حیدرآباد: تلنگانہ کے نئے سکریٹریٹ کے افتتاح کی تیاریاں جاری ہیں۔وزیراعلی کے چندرشیکھرراو نے 30 اپریل کو اس کا افتتاح کرنے کا فیصلہ کیا ہے۔ وزیراعلیٰ نے پہلے ہی عہدیداروں اور انجینئروں کو اس کے مطابق کام تیز کرنے کی ہدایت دی ہے۔

 تمام اہم کام مکمل ہو چکے ہیں۔سکریٹریٹ کی عمارت کے کاموں کو حتمی شکل دی جا رہی ہے۔ فرنیچر، پینٹنگ، لینڈ سکیپنگ، ایلیویشن، نیٹ ورکنگ وغیرہ کے کام تیزی سے جاری ہیں۔ آرکیٹیٹ آسکر پونی نے سکریٹریٹ ماڈل کے سلسلہ میں ایک ویڈیو جاری کیا ہے۔

سکریٹریٹ کی نئی عمارت کا ماڈل، عمارت میں موجود چیمبرس، میٹنگ ہال، داخلی دروازے، لان، فوارے، عمارت کے اردگرد کی چوڑی سڑکیں، کامپلکس مندر، چرچ، مسجد وغیرہ واضح طور پر اس ویڈیو میں دکھائے گئے ہیں۔