صدر مجلس بیرسٹر اویسی نے کنبہ سروے میں حصہ لیا

حیدرآباد:صدر کل ہند مجلس اتحاد المسلمین و رکن پارلیمنٹ حیدرآباد بیرسٹر اسد الدین اویسی نے آج تلنگانہ حکومت کی جانب سے شروع کردہ سماجی‘ اقتصادی‘ تعلیمی‘ روزگار‘ سیاسی اور ذات پات کے سروے۔2024 کے شمار کنندوں کو اپنے خاندان سے متعلق معلومات فراہم کیں۔

انہوں نے عوام سے خواہش کی کہ وہ ریونت ریڈی حکومت کی جانب سے  ریاست میں کئے جانے والے اس سروے میں بھرپور طور پر حصہ لیں۔ انہوں نے کہا کہ سرکاری عہدیداروں کی جانب سے اکٹھا کئے جانے والا ڈیٹا حکومت کو منصوبہ بندی کرنے اور ریاست کے عوام کے لئے فلاحی اسکیمات پر عمل آور ی کرنے میں معاون ثابت ہوگا۔

 انہوں نے وضاحت کی کہ سروے صرف غریب عوام کے لئے نہیں بلکہ تلنگانہ کے سارے عوام کے لئے ہے۔ مردم شماری کے ذریعہ اکٹھا کردہ ڈیٹا سے غریب اور محروم افراد کو حکومت بااخیتا کرے گی۔ہفتہ کو عہدیداروں کی ایک ٹیم ان کی رہائش گاہ پہنچی اور سروے پروگرام کے حصہ کے طور پر ان کے ارکان خاندان سے متعلق معلومات اکٹھا کیں۔

 بیرسٹر اسد اویسی نے گیٹیڈ کمیونٹی اور اپارٹمنٹ عمارات میں رہنے والے مکینوں سے خواہش کی کہ وہ شمار کنندوں کو طلب کرتے ہوئے سروے کی تکمیل میں معاونت کریں۔