راہول گاندھی کو نیا پاسپورٹ مل گیا‘ امریکہ روانگی

نئی دہلی: کانگریس قائد راہول گاندھی کواتوار کے دن نیا آرڈینری پاسپورٹ مل گیا۔ 2 دن قبل مقامی عدالت نے انہیں این او سی (کوئی اعتراض نہیں سرٹیفکیٹ) جاری کیا تھا۔ لوک سبھا کی رکنیت رد ہونے کے بعد انہوں نے اپنا ڈپلومیٹک پاسپورٹ واپس کردیا تھا اور عام پاسپورٹ کے لئے درخواست دی تھی۔

 وہ پیر کی شام سان فرانسسکو (امریکہ) روانہ ہوں گے۔ وہ سان فرانسسکو کا سہ روزہ دورہ کریں گے۔ اس امریکی شہر میں وہ باوقار اسٹانفورڈ یونیورسٹی میں طلبا سے بات چیت کریں گے۔ واشنگٹن ڈی سی میں ان کی پریس کانفرنس ہوگی اور امریکی قانون سازوں کے علاوہ تھنک ٹینکس کے ساتھ میٹنگس بھی ہوں گی۔