تلنگانہ کے ضلع نظام آباد میں بارش اورژالہ باری

حیدرآباد: تلنگانہ کے ضلع نظام آباد کے پوتنگل منڈل کے کئی علاقوں میں ژالہ باری کے ساتھ بارش ہوئی۔

کل دن بھر شدید گرمی ضلع میں دیکھی گئی تاہم شام میں موسم اچانک تبدیل ہوگیا اور بارش کے ساتھ ژالہ باری بھی ہوئی۔

عوام نے اس بارش کے بعد گرمی سے قدرے راحت محسوس کی۔ژالہ باری اوربارش کی ویڈیوسوشیل میڈیا کے مختلف پلیٹ فارمس پر تیزی کے ساتھ وائرل ہوگئیں۔