آندھراپردیش

ریلوے اسٹیشن پر مسافرین کیلئے روبوٹک مساج خدمات

روبوٹک مساج کے ذریعہ مسافر جسم اور پاؤں کی مالش کی خدمات حاصل کر سکتے ہیں۔ یہ مساج سنٹروجئے واڑہ ریلوے اسٹیشن کے پلیٹ فارم نمبر ایک پر 84 مربع فٹ کے علاقہ میں قائم کیا گیا ہے۔

حیدرآباد: ساؤتھ سنٹرل ریلوے نے مسافروں کی سہولت کے لیے آندھراپردیش کے وجئے واڑہ ریلوے اسٹیشن پر روبوٹک مساج خدمات دستیاب کروائی ہیں۔ اس روبوٹک مساج سنٹر کا افتتاح ساوتھ سنٹرل ریلوے کے ڈویژنل منیجر شیویندر موہن نے کیا۔

متعلقہ خبریں
آندھرا اور بہار کو خصوصی موقف حاصل ہوگا؟ کانگریس کے سوالات (ویڈیو)
ساوتھ سنٹرل ریلوے: 10ہزار کروڑ روپئے کی آمدنی
حیدرآباد دونوں ریاستوں کا مشترکہ دارالحکومت نہیں رہا
نتائج کے اعلان کے بعد 15 دنوں تک مرکزی فورس کی 25 کمپنیاں برقرار رکھنے کی ہدایت
آج سے 4دنوں تک بارش کا امکان

روبوٹک مساج کے ذریعہ مسافر جسم اور پاؤں کی مالش کی خدمات حاصل کر سکتے ہیں۔ یہ مساج سنٹروجئے واڑہ ریلوے اسٹیشن کے پلیٹ فارم نمبر ایک پر 84 مربع فٹ کے علاقہ میں قائم کیا گیا ہے۔ اس میں دو روبوٹک باڈی مساج کرسیاں اور ایک پٹ مساج کرسی مسافروں کے لیے دستیاب کروائی گئی ہے۔

آئی آر ایس کے سینئر ڈی سی ایم وی رام بابو نے کہا کہ یہ مساج سنٹر آمدنی میں اضافہ کے ایک حصہ کے طور پر قائم کیا گیا ہے۔ دن کے وقت بہت سے مسافر ٹرینوں کے لیے پلیٹ فارم کے اوپر نظر آتے ہیں۔

انہوں نے کہا کہ مسافر باڈی مساج کے لیے 60 روپے اور پاؤں کی مالش کے لیے 30 روپے ادا کر کے روبوٹک مساج کی خدمات استعمال کر سکتے ہیں۔

رام بابو نے کہا کہ وجئے واڑہ ریلوے ڈویژن مسافروں کو بہتر خدمات اور آرام دہ سفر کا تجربہ فراہم کرنے کے لیے مسلسل کام کر رہا ہے۔ بتایا جاتا ہے کہ اسٹیشن پر حال ہی میں فش سپا، ہینڈلوم اور موبائل کے آؤٹ لیٹس کھولے گئے ہیں۔

a3w
a3w