تلنگانہ کے ضلع سدی پیٹ میں تیندوے کی موجودگی سے سنسنی

حیدرآباد: تلنگانہ کے ضلع سدی پیٹ میں وڈّے پلی علاقہ کے جنگلات میں تیندوے کی موجودگی سے مقامی افرادمیں خوف کا ماحول پیدا ہو گیا ہے۔

بتایا جا رہا ہے کہ تیندوے نے دو شکاری کتّوں پر حملہ کر کے انہیں ہلاک کر دیا، جو کہ جنگلی خنزیروں سے کھیتوں کی حفاظت کے لئے رکھے گئے تھے۔

اس واقعہ کی اطلاع ملنے پر دوباک رینج کے فاریسٹ آفیسر سندیپ کمار موقع پر پہنچے اور تیندوے کے پنجوں کے نشانات اکٹھے کئے

۔ انہوں نے کسانوں کو مشورہ دیا ہے کہ وہ زرعی کام کے دوران احتیاط برتیں اور عوام خوف زدہ نہ ہوں۔