شاہ رخ خان نے فلم ڈنکی کا پوسٹر شیئر کرکے دیوالی کی مبارکباد دی
بالی ووڈ کے کنگ خان شاہ رخ خان نے اپنی آنے والی فلم ڈنکی کا پوسٹر شیئر کرکے لوگوں کو دیوالی کی مبارکباد دی ہے۔
ممبئی: بالی ووڈ کے کنگ خان شاہ رخ خان نے اپنی آنے والی فلم ڈنکی کا پوسٹر شیئر کرکے لوگوں کو دیوالی کی مبارکباد دی ہے۔
راجکمار ہیرانی کی ہدایت کاری میں بننے والی فلم ڈنکی کا ٹیزر حال ہی میں ریلیز کیا گیاتھا۔ شاہ رخ نے ڈنکی کے تازہ ترین پوسٹرز شیئر کرتے ہوئے مداحوں کو دیوالی کے مقدس تہوار پر مبارکباد دی ہے۔
شاہ رخ خان نے اپنے آفیشل ٹوئٹر ہینڈل پر ٹوئٹ کیا ہے۔ اس ٹویٹ میں شاہ رخ نے ”ڈنکی“ کا تازہ ترین پوسٹر شیئر کیا ہے۔
شاہ رخ خان نے ٹوئٹ میں لکھا ہے کہ دیوالی کیسی ہو گی اور ایسے خاندان کے بغیر نیا سال کیسا گزرے گا۔ اصل مزہ تو ساتھ چلنے میں ہے، اکٹھے رہنے میں اور اکٹھے جشن منانے میں، ڈنکی کی پوری دنیا ہے یہ الو کے پٹھے۔
فلم ڈنکی میں شاہ رخ خان کے علاوہ تاپسی پنو، وکی کوشل، دیا مرزا، دھرمیندر، بومن ایرانی، ستیش شاہ اہم کرداروں میں ہیں، یہ فلم 22 دسمبر کو سینما گھروں میں ریلیز کی جائے گی۔
