سوناکشی سنہا اور ظہیر اقبال کی جلد شادی

نئی دہلی: بالی ووڈ اداکارہ سوناکشی سنہا مبینہ طور پر اپنے دیرینہ ساتھی اداکار ظہیر اقبال سے رواں ماہ کے آخر میں شادی کریں گی۔

شادی کی خبر نیٹ فلکس سیریز "ہیرامنڈی: دی ڈائمنڈ بازار” کے پریمیئر کے صرف ایک ماہ بعد سامنے آئی ہے جس میں سوناکشی سنہا نے ریحانہ اور فریدان کا دوہرا کردار ادا کیا تھا۔

اگرچہ شادی کی تقریب کے بارے میں کوئی تصدیق نہیں ہوئی ہے تاہم سوناکشی سنہا کے خاندان کے قریبی ذرائع نے بتایا کہ اطلاعات درست ہیں۔

اندرونی ذرائع کے مطابق شادی ایک نجی معاملہ ہو گا اور 23 جون کو ممبئی کے ایک فائن ڈائننگ ریسٹورنٹ میں خاندان اور قریبی دوست شریک ہوں گے۔

سوناکشی سنہا اور ظہیر اقبال جو کچھ عرصے سے ڈیٹنگ کر رہے تھے، نے 2022 کے مزاحیہ ڈرامے "ڈبل ایکس ایل” میں ایک ساتھ اداکاری کی۔

دونوں نے ابھی تک عوامی طور پر اپنے تعلقات کی تصدیق نہیں کی ہے لیکن ان کا انسٹاگرام فیڈ ایک دوسرے کی تصاویر سے بھرا ہوا ہے۔ انہیں اکثر ایک ساتھ تقریبات اور سماجی پروگراموں میں شرکت کرتے ہوئے دیکھا جاتا ہے۔