تلنگانہ کے بھدرادری کوتہ گوڑم ضلع مستقر میں آرٹی سی کرایہ کی بسوں کے ورکرس کی ہڑتال

حیدرآباد: تلنگانہ کے بھدرادری کوتہ گوڑم ضلع مستقر میں آرٹی سی کرایہ کی بسوں کے ورکرس نے ہڑتال کرتے ہوئے بنیادی تنخواہ 26 ہزارروپئے فراہم کرنے کامطالبہ کیا۔

انہوں نے آج صبح بسیں چلانے سے انکار کردیا اور اپنے مطالبہ کی حمایت میں نعرے بازی کی۔

انہوں نے زور دیتے ہوئے کہاکہ تنخواہ میں اضافہ کے لئے کئی مرتبہ نمائندگی کی گئی جو لاحاصل رہی۔

سی آئی ٹی یو کی قیادت میں ان ورکرس نے احتجاج کیا۔انہوں نے کہاکہ قانونی طورپر نوٹس دینے کے بعد ہی انہوں نے یہ احتجاج کیاہے۔

انہوں نے نشاندہی کرتے ہوئے کہاکہ ان کے مطالبہ کی تکمیل تک یہ ہڑتال جاری رہے گی۔

انہوں نے کہاکہ عہدیداروں کو ان کی تنخواہوں میں اضافہ اور ان کے مسائل کی یکسوئی کے لئے کئی مرتبہ توجہ دلانی کروائی گئی تاہم ان کے مطالبات کو یکسرنظرانداز کردیاگیا۔