سریش چاونکے نے چندریان 3 پر مسلمانوں کی سنگباری کا کارٹون پوسٹ کیا

حیدرآباد: نفرت پھیلانے والے بدنام زمانہ ’سدرشن نیوز‘ کے ایڈیٹر سریش چاونکے نے جو مخالف مسلم ریمارکس کرتا رہتا ہے‘ سوشل میڈیا پلاٹ فام ’ایکس‘ (سابقہ ٹوئیٹر) پر ایک کارٹون پوسٹ کیا ہے۔

 جس میں مسلمانوں کو چاند کی سطح سے انڈین اسپیس ریسرچ آرگنائزیشن (اسرو) کی جانب سے کل ہی چاند کی سطح پر کامیابی سے اتارے گئے چندریان۔3 پر سنگ باری کرتے ہوئے دکھایا گیا ہے۔

 اس کارٹون میں کرداروں کو کرتا پاجامہ اور ٹوپی پہنے چندریان 3 کے لینڈر پر پتھراؤ کرتے ہوئے دکھایا گیا۔ تصویر میں ایک ڈسپلے بورڈ ہندی تحریر ’چاند کی زمین وقف کی ملکیت ہے‘ دکھاتے ہوئے نظریہ ئ اوقاف کا تمسخر اڑایا گیا۔

 چاونکے کے خلاف نفرت انگیز تقاریر کرنے اور دو برادریوں میں نفرت کو بڑھا دینے کے درجنوں کے مقدمات درج ہیں اس کے باوجود وہ اپنی فرقہ پرستی سے باز نہیں آرہا ہے اور وہ کھلے عام نفرت کو بڑھاوا دے رہا ہے۔ اسی چانل کے ایک ریسیڈنٹ ایڈیٹر مکیش کمار کو گروگرام پولیس کی سائبر کرائم یونٹ نے 11 /اگست کو ’ایکس‘ پر اشتعال انگیز ٹوئٹ کرنے پر گرفتار کیا تھا۔