سشمیتا سین کو ہارٹ اٹیک

ممبئی: سابق مس یونیورس اور بالی ووڈ اداکارہ سشمیتا سین کو چند روز قبل دل کا دورہ پڑا۔

اداکارہ نے جو صحت یاب ہو رہی ہیں، یہ خبر خود سوشل میڈیا پر شیئر کی۔ انہوں نے اپنے والد کے ساتھ ایک تصویر پوسٹ کی جس کے ساتھ لکھا کہ:

 ‘‘اپنے دل کو خوش رکھیں اور حوصلہ رکھیں اور جب آپ کو شونا کی سب سے زیادہ ضرورت ہو گی تو یہ آپ کے ساتھ کھڑا رہے گا‘‘ (میرے والد @sensubir کے دانشمندانہ الفاظ)، مجھے کچھ دن پہلے دل کا دورہ پڑا… انجیو پلاسٹی کی گئی… اسٹینٹ جگہ پر ہے… اور سب سے اہم بات، میرے ماہر ڈاکٹر نے دوبارہ تصدیق کی کہ ہے ’’میرا دل بہت بڑا ہے۔‘‘

بروقت مدد کرنے کے لئے بہت سارے لوگوں کا شکریہ۔ یہ پوسٹ صرف آپ (میرے خیر خواہوں اور چاہنے والوں) کو خوشخبری سے آگاہ کرنے کے لئے ہے کہ سب کچھ ٹھیک ہے اور میں دوبارہ کچھ زندگی گزارنے کے لئے تیار ہوں!!!”

صوفی چوہدری نے تبصرہ کیا کہ ’’او ایم جی… آپ کو پیار اور روشنی بھیج رہی ہوں… میں جانتی ہوں کہ آپ اور آپ کا دل دونوں پہلے سے زیادہ مضبوط ہوں گے۔‘‘

ایک مداح نے لکھا کہ آپ کی جلد صحت یابی کے لئے دعا گو ہیں۔ ایک اور مداح نے لکھا آپ کی جلد صحت یابی کی خواہش کرتا ہوں میڈم۔ امید ہے آپ کو جلد ہی اچھا لگنے لگے گا۔

بتایا گیا ہے کہ سشمیتا سین روبصحت ہو رہی ہیں اور جلد ہی آریہ سیزن 3 کے سیٹ پر واپس آئیں گی۔

واضح رہے کہ نہ تو ڈاکٹرس نے اور نہ اداکارہ نے دل کے دورہ کے بارے میں مزید تفصیلات بتائی ہیں۔