حیدرآباد

ایم ایل سی ضمنی انتخابات، کانگریس نے بالموری وینکٹ اور مہیش گوڑ کے نام کا اعلان کردیا

پارٹی کے جنرل سکریٹری کے سی وینوگوپال نے واضح کیا کہ کانگریس صدر ملکارجن کھرگے نے ضمنی انتخابات کیلئے بوما مہیش کمار گوڈ اور بالموری وینکٹ کے امیدواروں کو حتمی شکل دے دی ہے۔

حیدرآباد: کانگریس نے تلنگانہ میں ہونے والے دو قانون ساز اسمبلی ضمنی انتخابات کیلئے امیدواروں کو حتمی شکل دینے کے 24 گھنٹے سے بھی کم وقفہ کے دوران اڈناکی دیاکر کی جگہ مہیش کمار گوڑ کے نام کا اعلان کردیا ہے۔

متعلقہ خبریں
کانگریس ٹکٹ کے خواہشمندوں کا گاندھی بھون میں ہجوم۔ایک حلقہ سے کئی دعویدار
رکن اسمبلی ماجد حسین اور فیروز خان کے خلاف کارروائی کا انتباہ
قرآن پاک قیامت کے دن اپنے پڑھنے والوں کی شفاعت کرے گا: مفتی ڈاکٹر صابر پاشاہ قادری
پورے شعور کے ساتھ قرآن کے پیغام کو سمجھیں اور اس کی دعوت پر لبیک کہیں: جماعت اسلامی کے جلسہ استقبالِ رمضان
این آئی ٹی ورنگل میں بین الاقوامی یومِ خواتین کا شاندار انعقاد، ڈی آر ڈی او سائنسدان کی خصوصی گفتگو

مہیش کمار گوڑ اور بالموری وینکٹ کا امیدواروں کے طور پر اعلان کیا گیا ہے۔ اے آئی سی سی نے اس سلسلہ میں ایک بیان جاری کیا ہے۔ پارٹی کے جنرل سکریٹری کے سی وینوگوپال نے واضح کیا کہ کانگریس صدر ملکارجن کھرگے نے ضمنی انتخابات کیلئے بوما مہیش کمار گوڈ اور بالموری وینکٹ کے امیدواروں کو حتمی شکل دے دی ہے۔

تاہم کی اطلاعات کے مطابق بالموری وینکٹ اور اڈناکی دیاکر کو ایم ایل سی انتخابات کیلئے گرین سگنل دے دیا گیاتھا۔ اب پارٹی کے سینئر لیڈر اڈانکی دیاکر کو ٹکٹ دینے کے بجائے پارٹی نے ان کی جگہ مہیش کمار گوڑ کو ٹکٹ دینے کا فیصلہ کیا ہے۔

فی الحال اڈناکی دیاکر کانگریس کے ترجمان ہیں۔ گزشتہ اسمبلی انتخابات کے دوران انہیں ٹکٹ کی امید تھی۔ آخرکار انہیں ٹکٹ نہیں دیا گیا۔ ان کی جگہ کسی اور کو ٹکٹ دینے والی کانگریس پارٹی نے یقین دلایا کہ اڈناک کے ساتھ انصاف کیا جائے گا۔

واضح رہے کہ ایم ایل سی ضمنی انتخابات کیلئے نامزدگیوں کی آخری تاریخ جمعرات کو ختم ہو جائے گی۔ دو نشستوں کیلئے پولنگ 29 کو ہو گی۔ اس کے بعد گنتی کی جائے گی اور کامیابی حاصلکرنے والوں کا اعلان کیا جائے گا۔ نو منتخب ایم ایل سی کی میعاد نومبر 2027 تک ہوگی۔