Police issue notice to IAS officer Smita Sabharwal، کنچہ گچی باؤلی زمین معاملہ میں نیا موڑ،آئی اے ایس آفیسر سمیتا سبھروال کو پولیس کا نوٹس

حیدرآباد: تلنگانہ سیاحت محکمہ کی سیکریٹری اور سینئر آئی اے ایس افسر سمیتا سبھروال کو گچی باؤلی زمین کے معاملے میں پولیس کی جانب سے نوٹس جاری کیا گیا ہے۔ اطلاعات کے مطابق یہ نوٹس 12 اپریل کو گچی باؤلی پولیس اسٹیشن کی طرف سے دیا گیا۔

پولیس کے مطابق، انسٹاگرام پر جھوٹی ویڈیوز کو ٹیگ کیے جانے پر سمیتا سبھروال کو بھارت نیشنل سیکیورٹی ایکٹ (BNSS) کی دفعہ 179 کے تحت نوٹس جاری کیا گیا ہے۔ گچی باؤلی پولیس اسٹیشن کے ایس ایچ او محمد حبیب اللہ خان نے اس بات کی تصدیق کی۔

واضح رہے کہ گچی باؤلی اور اس کے مضافاتی علاقوں میں زمین کے معاملے پر پہلے ہی کئی افراد کو نوٹسز دیے جا چکے ہیں اور تفتیش جاری ہے۔ اب سمیٹا سبروال کا نام سامنے آنے سے معاملہ مزید توجہ کا مرکز بن گیا ہے۔

ذرائع کے مطابق، 31 مارچ کو "ہائے حیدرآباد” نامی ٹویٹر ہینڈل سے ایک گرافکس پر مبنی پوسٹ کی گئی تھی، جسے سمیٹا سبروال نے ریٹویٹ کیا۔ پولیس کا کہنا ہے کہ یہ تصویر جعلی (فیک) تھی، اور اسی بنیاد پر ان کے خلاف نوٹس جاری کیا گیا ہے۔

پولیس تحقیقات جاری رکھے ہوئے ہے اور اس معاملے میں مزید افراد کو بھی طلب کیے جانے کا امکان ہے۔