تلنگانہ:مکان میں قفل شکنی کے ذریعہ 35تولے کے طلائی زیور اور دو لاکھ روپئے کی چوری

حیدرآباد: تلنگانہ کے جئے شنکربھوپال پلی ضلع کے چٹیال منڈل میں ایک مکان کو چوروں نے نشانہ بناتے ہوئے بڑے پیمانہ پر چوری کی واردات انجام دی۔

مکان مالک نے پولیس سے کی گئی شکایت میں کہا کہ اس کی غیرموجودگی کافائدہ اٹھاتے ہوئے چوروں نے قفل شکنی کے ذریعہ 35تولے کے طلائی زیورات اوردولاکھ روپئے نقد رقم کی چوری کرلی۔

مکان مالک سارنگاپانی گوڑ کی شکایت پر پولیس نے اس سلسلہ میں شکایت درج کرلی۔پولیس کی کلوزٹیموں نے مکان پہنچ کر شواہد جمع کئے اور چوروں کی تلاش شروع کردی۔