تلنگانہ:محبت کی شادی کے تقریبا ایک ماہ بعد سڑک حادثہ میں جوڑا ہلاک

حیدرآباد: محبت کی شادی کے تقریبا ایک ماہ بعد پیش آئے سڑک حادثہ میں ایک جوڑا ہلاک ہوگیا۔یہ حادثہ تلنگانہ کے ضلع نلگنڈہ کے نکریکل میں پیش آیا۔

تفصیلات کے مطابق 23سالہ سی ایچ مہیش اور19سالہ رشیتاکل شب قومی شاہراہ ناگرجناساگر۔

گنٹور پر واقع تاتیکال گاؤں میں سڑک حادثہ میں ہلاک ہوگئے۔ پولیس نے بتایا کہ حادثہ اتنا شدید تھا کہ مہیش موقع پر ہی ہلاک ہوگیاجبکہ رشیتا کو بذریعہ ایمبولنس نلگنڈہ کے سرکاری اسپتال منتقل کیاگیا جہاں اس کی علاج کے دوران موت ہوگئی۔

پولیس نے اس سلسلہ میں ایک معاملہ درج کرکے جانچ شروع کردی۔پولیس او رمقامی افراد نے بتایا کہ مہیش اور رشیتا کچھ عرصے سے محبت کرتے تھے۔ لڑکی کا خاندان نلگنڈہ میں رہتا ہے۔

مہیش دوسری ریاستوں میں جاکر پتھر تراشنے کا کام کرتا تھا۔