تلنگانہ:کار، جھیل میں گرپڑی۔5افرادہلاک

حیدرآباد: تلنگانہ کے رچہ کنڈہ پولیس کمشنریٹ کے حدود کے یادگیرگٹہ کے قریب کار جلال پورجھیل میں گرپڑی۔اس حادثہ کے وقت کارمیں 6افرادسوارتھے جن میں 5کی موت ہوگئی جبکہ ایک شخص محفوظ رہا۔

یہ حادثہ ہفتہ کی صبح تقریبا 5بجے پیش آیا۔پولیس کو ایمرجنسی کال کے ذریعہ صبح تقریبا 5.27بجے اطلاع ملی۔

پولیس نے بتایا کہ مہلوکین کی عمر19تا23برس کے درمیان ہے جو حالت نشہ میں تھے۔

اس بات کی تصدیق اس حادثہ میں بچ جانے والے 21سالہ میدوبینایادونے کی جو بوڈاُپل علاقہ کارہنے والا ہے۔

مہلوکین کی شناخت حیدرآباد سے تعلق رکھنے والے ومسی،دنیش، ونئے،ہرشا اوربالو کے طورپر کی گئی ہے۔

پولیس نے اس سلسلہ میں ایک معاملہ درج کرکے لاشوں کو کارسے نکال کرپوسٹ مارٹم کے لئے بھیج دیا۔