تلنگانہ: متحدہ عادل آباد ضلع میں سردی کی شدت میں اضافہ، سڑکوں پر گہری کہر

حیدرآباد: تلنگانہ کے متحدہ عادل آباد ضلع کے مختلف علاقوں میں درجہ حرارت میں نمایاں کمی کے بعد سردی کی شدت میں اضافہ ہوگیا ہے۔آصف آباد ضلع کے سرپور(یو) میں اقل ترین درجہ حرارت 11.4 ڈگری سیلسیس ریکارڈ کیا گیا،

جبکہ تریانی علاقہ میں درجہ حرارت 13.1 ڈگری سیلسیس رہا۔ اسی طرح عادل آباد ضلع کے ساتنالا میں درجہ حرارت 12.6 ڈگری سیلسیس اور سونالا اور پپل دری میں 13 ڈگری سیلسیس ریکارڈ ہوا۔

سردی کی بڑھتی ہوئی شدت سے عام لوگ، خصوصاً ایجنسی علاقوں کے رہنے والے شدید مشکلات کا سامنا کر رہے ہیں۔

سردی کے ساتھ ساتھ ضلع کو گہری کہرنے بھی اپنی لپیٹ میں لے لیا ہے۔ قومی شاہراہ 44 پر کہرچھا جانے سے گاڑی چلانے والوں کو دشواری پیش آرہی ہے اور سڑک پر راستہ صاف نظر نہ آنے کی وجہ سے ڈرائیور س ہیڈلائٹس آن کر کے آہستہ آہستہ سفر کر رہے ہیں۔

حکام نے گاڑی چلانے والوں کو الرٹ جاری کرتے ہوئے ہدایات دی ہیں کہ وہ احتیاط برتیں اور آہستہ گاڑی چلائیں۔