تلنگانہ ایمسیٹ کے نتائج جاری۔86فیصد اگری کلچر اور 80فیصد انجینئرنگ میں کامیاب

حیدرآباد: تلنگانہ ایمسیٹ کے نتائج جاری کردیئے گئے ہیں۔ 86 فیصد طلباء اگری کلچر اور 80 فیصد انجینئرنگ میں کامیاب قراردیئے گئے۔

وزیرتعلیم سبیتا اندرا ریڈی نے مانصاحب ٹینک میں ہائیرایجوکیشن کونسل کے دفتر میں عہدیداروں کے ساتھ نتائج جاری کئے۔

اگری کلچرکے شعبہ میں 84 فیصد لڑکے اور 87 فیصد لڑکیاں کامیاب ہوئی ہیں۔

انجینئرنگ اسٹریم میں 79 فیصد لڑکے اور 82 فیصد لڑکیاں کامیاب ہوئی ہیں۔

اس موقع پر انہوں نے کہا کہ داخلہ کے عمل سے متعلق نوٹیفکیشن جلد جاری کر دیا جائے گا۔

ایمسیٹ کے امتحانات اس ماہ کی 10 سے 14 تاریخ تک منعقد ہوئے تھے۔ 94.11 فیصد طلباء نے امتحان میں شرکت کی تھی۔

انجینئرنگ کے امتحان میں تلنگانہ اور آندھرا پردیش سے 2,05,405 طلباء نے درخواستیں داخل کی تھیں جن میں سے 1,95,275 طلباء نے امتحان میں شرکت کی۔

اگری کلچر اور میڈیکل کے امتحانات میں 1,15,361 افراد نے درخواستیں داخل کی تھیں جن میں سے 1,06,514 طلباء نے امتحان میں شرکت کی۔