تلنگانہ انتخابات: رائے دہندوں کو راغب کرنے ایک آزاد امیدوار نے مصنوعی ذہانت کا استعمال کیا

حیدرآباد: پوری دنیا میں دھوم مچانے والی مصنوعی ذہانت (آرٹیفیشل انٹلی جنس) کا استعمال تلنگانہ اسمبلی انتخابات میں جوبلی ہلز کے ایک آزاد امیدوار کی جانب سے کیاجارہا ہے۔

اس طرح یہ امیدوار اس انوکھی ٹکنالوجی کا استعمال کرتے ہوئے رائے دہندوں کو راغب کرنے کی کوشش کر رہا ہے۔ ایک مصنوعی ذہانت کا ٹول بنایا گیا ہے اور اس کو رائے دہندوں کے واٹس ایپ نمبر پر بھیجا جا رہا ہے۔

اس کو کھول کرکیوآرکوڈ کو اسکین کرنے پر امیدوار کی مکمل تفصیلات ووٹرس کو دستیاب ہوں گی۔ چیٹنگ کے ذریعہ امیدوار سے کئی سوالات پوچھنے کا موقع فراہم کیاجارہا ہے۔

مشن لرننگ سے پہلے کچھ عام سوالات کے جوابات ڈیزائن کیے گئے ہیں اور اس میں رکھے گئے ہیں۔ بتایاجاتا ہے کہ اس ٹکنالوجی سے کم سے کم لاگت میں اشتہار دینا ممکن ہے۔

مصنوعی ذہانت کے ذریعہ ہر ووٹر کو معلومات بھیجنے کے لیے 80 پیسے سے زیادہ نہیں لگیں گے۔ ماہرین اس کا تجزیہ کر رہے ہیں۔سمجھاجاتا ہے کہ یہ امیدواروں کے لیے مستقبل میں انتخابی مہم کے اخراجات کو کم کرنے کا متبادل بن جائے گا۔