تلنگانہ: پسند کے تعلیمی کورس کےلیے والدین کے انکار پر لڑکی کی خودکشی
اس کی شناخت 18 سالہ سہان سکھو کے طورپرکی گیی ہے۔وہ تقریباً 40 دن قبل اپنے والدین کے پاس نظام آباد کے اماں نگر وینچر علاقہ آئی تھی، جہاں اُس کے والدین مزدور اور مستری کے طور پر کام کرتے ہیں۔
حیدرآباد: مہاراشٹر کے ضلع گونڈیا کے تعلقہ چیرگاؤں کی رہنے والی لڑکی نے تلنگانہ کے نظام آباد میں چوہے مار دوا پی کر خودکشی کر لی۔
اس کی شناخت 18 سالہ سہان سکھو کے طورپرکی گیی ہے۔وہ تقریباً 40 دن قبل اپنے والدین کے پاس نظام آباد کے اماں نگر وینچر علاقہ آئی تھی، جہاں اُس کے والدین مزدور اور مستری کے طور پر کام کرتے ہیں۔
حالیہ دنوں میں سہان نے انٹرمیڈیٹ کی تعلیم مکمل کی تھی اور وہ انجینئرنگ کی تعلیم حاصل کرنا چاہتی تھی۔ اس مقصد کے لئے سالانہ تین لاکھ روپے فیس درکار تھی، جس کا ذکر اس نے والدین سے کیا لیکن والد نے معاشی تنگی کے سبب اسے صلاح دی کہ وہ اپنی مالی حیثیت کے مطابق کوئی دوسرا کورس منتخب کرے۔
اسی بات سے دل برداشتہ ہوکر سہان نے گھر میں موجود چوہے مار دوا پی لی۔ اُسے فوری طور پر سرکاری اسپتال لے جایا گیا، بعد ازاں مزید بہتر علاج کے لیے مانورما اسپتال منتقل کیا گیا، جہاں وہ زیرِ علاج رہی۔کل اس کی موت واقع ہو گئی۔
