تلنگانہ کے وزیر تارک راما راو کی سالگرہ، آرٹسٹ نے انجیرکے پتہ پر پورٹریٹ تیار کیا

حیدرآباد: تلنگانہ کے وزیرانفارمیشن ٹکنالوجی کے تارک راما راو کی سالگرہ کے موقع پر ایک آرٹسٹ نے انجیرکے پتہ پر ان کا پورٹریٹ تیار کیا۔

سنگاریڈی ضلع سے تعلق رکھنے والے اس آرٹسٹ جس کی شناخت شیواکمار کے طورپر کی گئی ہے، نے تارک راما راو کی سالگرہ کے موقع پران کو خصوصی تحفہ کے طورپر انجیرکے پتہ پران کا پورٹریٹ تیارکیا۔

کمار، تلنگانہ کامشہور آرٹسٹ ہے جس نے مختلف شخصیات کے تقریبا ایک ہزارپورٹریٹس تیار کئے ہیں۔

اسی دوران متحدہ ضلع میدک میں وزیرموصوف کی سالگرہ منائی گئی۔

پٹن چیرو کے رکن اسمبلی جی مہی پال ریڈی نے سرکاری اسپتال پٹن چیرومیں مریضوں میں پھلوں کی تقسیم کی۔