تلنگانہ:پولیس نے مغویہ لڑکی کو بچالیا

حیدرآباد: تلنگانہ کے ضلع سدی پیٹ میں پولیس نے چارسالہ لڑکی کو بچالیا جس کا اغوا ایک نامعلوم جوڑے نے اتوار کی شام ضلع کے دولت آباد منڈل مستقر سے کیا تھا۔

ممتا اور پربھاکر کی بیٹی چارسالہ شیلجہ اپنے دادا ایلیاکے ساتھ دکان گئی تھی۔

ایلیا، دکان سے سامان کی خریداری میں مصروف تھا کہ اس نامعلوم جوڑے نے اس لڑکی کا اغوا کرلیا۔

اس علاقہ کے سی سی ٹی وی فوٹیجس کا جائزہ لینے کے بعد پولیس کو یہ پتہ چلا کہ یہ جوڑا گجویل کی بس میں سوار ہوا اور بعد ازاں گجویل سے حیدرآبا دجانے والی بس میں یہ جوڑا سوار ہوا۔

پولیس نے پیر کی صبح حیدرآباد سے اس لڑکی کو بچانے میں کامیابی حاصل کی۔