تلنگانہ:گروپ ون امتحانات کے اندرون چند ہفتے نتائج متوقع

حیدرآباد: تلنگانہ پبلک سرویس کمیشن کے گروپ ون کے مین امتحانات کے پرچوں کی جانچ مکمل ہو گئی ہے اور چند ہفتوں میں نتائج متوقع ہیں۔

کمیشن نے ان سینئر پروفیسروں کی خدمات حاصل کی ہیں جنہوں نے جوابی اسکرپٹ کا جائزہ لیا۔جانچ کے عمل کے مطابق ہر جوابی اسکرپٹ کی جانچ دو پروفیسرس کرتے ہیں تاہم، اگر الاٹ کردہ نمبروں میں 15 فیصد کا فرق ہے تو جوابی پرچہ تیسرے پروفیسر کو بھیج دیا جاتا ہے۔

31,383 امیدواروں میں سے 21,151 (67.3 فیصد)نے گروپ ون کے مین امتحانات میں شرکت کی، جو 21 سے 27 اکتوبر 2024 منعقد ہوئے تھے۔تلنگانہ پبلک سرویس کمیشن گروپ ون کے مین امتحانات کے عمل کو مکمل کرنے اور فروری میں جنرل رینکنگ لسٹ جاری کرنے کا ارادہ رکھتاہے۔

کمیشن پہلے گروپ 1کے بعد گروپ 2 اور گروپ3 ky نتائج کا اعلان کرنے کا منصوبہ رکھتاہے۔ اس کا مقصد اس بات کو یقینی بنانا ہے کہ گروپ 2 اور گروپ3 کے تقررمیں کوئی بیک لاگ ملازمتیں نہ رہیں۔