تلنگانہ:ٹریفک سرکل انسپکٹرکے بیٹے نے پھانسی لے کر خود کشی کرلی

حیدرآباد: ٹریفک سرکل انسپکٹرکے بیٹے نے سیلنگ فین سے پھانسی لے کرخودکشی کرلی۔یہ واقعہ ڈنڈیگل پولیس اسٹیشن کے حدود میں پیش آیا۔

تفصیلات کے مطابق گاگلاپور علاقہ میں رہنے والے ٹریفک سرکل انسپکٹرایم کوشک کو ایک بیٹا اور ایک بیٹی ہیں۔بیٹی کی شادی ہوگئی۔

بیٹے 38سالہ میتھیوزکا رویہ ٹھیک نہ ہونے پر گذشتہ چند دنوں سے باپ اور بیٹے میں بحث وتکرارہورہی تھی۔جمعرات کی صبح کی اولین ساعتوں میں بیٹے نے فین سے پھانسی لے کر خودکشی کرلی۔

اس کے ارکان خاندان نے پولیس کو اس بات کی اطلاع دی جس کے بعد پولیس نے وہاں پہنچ کر لاش کو پوسٹ مارٹم کے لئے بھجوادیا اور ایک مقدمہ درج کرکے جانچ شروع کردی۔ذہنی دباو اس انتہائی اقدام کی وجہ سمجھی جارہی ہے۔