7 ماہ کی لڑکی کی نعش کو قبر سے نکال کر پوسٹ مارٹم کیا گیا

حیدرآباد: حیدرآباد کے علاقہ بیگم پیٹ میں سات ماہ کی لڑکی کی لاش کو قبر سے نکال کر پوسٹ مارٹم کیا گیا۔ رسول پورہ کے بھوانی پرساد اور پوانی کے چار بچے ہیں۔شوہر اوربیوی جھگڑوں کی وجہ سے تنہازندگی گزارتے ہیں۔

تینوں بچے اپنے باپ کے ساتھ رہتے ہیں، ماں پوانی اپنی سات ماہ کی بیٹی ورشیکا کے ساتھ انا نگر میں رہتی ہے۔ لڑکی ورشیکا کی مشتبہ موت اس ماہ کی 7 تاریخ کو ہوئی۔

بھوانی پرساد، جس کو اس معاملے کے بارے میں تاخیر سے اطلاع ملی نے بیگم پیٹ پولیس میں شکایت درج کرائی کہ اسے اپنی بیٹی کی موت پر شبہ ہے۔ پولیس نے باپ کی شکایت پر مقدمہ درج کرلیا۔بعد ازاں پولیس نے شمشان گھاٹ میں دفن لڑکی کی لاش کو نکالا۔

ڈاکٹروں نے لاش کا پوسٹ مارٹم کیا۔ پولیس کا کہنا ہے کہ رپورٹ آنے کے بعد مناسب کارروائی کی جائے گی۔ پولیس اس بات کی تحقیقات کر رہی ہے کہ لڑکی کی موت طبعی تھی یا پھر اس کا قتل کیاگیا۔