طوفان کا اثر’شمس آباد ایرپورٹ پر طیاروں کی آمدورفت متاثر

حیدرآباد: طوفان میچانگ کے پیش نظر شہر حیدرآباد کے شمس آباد ایرپورٹ پر بیشتر طیاروں کی آمدوروفت متاثر ہوئی۔ ناموزوں موسمی حالات کے ساتھ ساتھ آندھراپردیش اور ٹاملناڈو میں مسلسل شدید بارش کے پیش نظر طیاروں کی آمدورفت متاثر ہوئی۔

 اس طوفان کے سبب بیشتر طیاروں کو منسوخ کردیا گیا اور بعض کی آمدوروانگی میں تاخیر ہوئی۔ حیدرآباد سے تروپتی راجہ مہندراورم’وجئے واڑہ’وشاکھاپٹنم’راجمندری’چینائی کے طیاروں کو منسوخ کرنا پڑا۔ انڈیگو کے طیارہ نے تروپتی کے لئے اڑان بھری تاہم ناموزوں موسمی حالات کے سبب اس کو دوبارہ شمس آباد ایرپورٹ واپس ہونا پڑا۔

 علاوہ ازیں حیدرآباد سے چینائی کے لئے جانے والے طیارہ کو بھی وہاں پر ناموافق موسمی حالات کے سبب حیدرآباد واپس ہونا پڑا۔ چندی گڑھ کے شہید بھگت سنگھ ایرپورٹ سے چینائی جانے والے طیارہ کے رخ کو حیدرآباد موڑدیا گیا۔