کرناٹک میں پولیس کے ساتھ تصادم میں قتل کے تین ملزمان کو لگی گولی

ہبلی: کرناٹک میں قتل کے ایک معاملے کی جانچ کے دوران منگل کو تین ملزمان ،افسران پر حملہ کرنے کے بعد فرار ہونے کی کوشش کر رہے تھے، پولیس نے ان کی ٹانگوں میں گولی مار کر انہیں گرفتار کر لیا۔

ملزمان کی شناخت ابھیشیک، ونود اور یلپا کے طور پر ہوئی ہے۔ ودیا نگر اور کاماری پیٹ پولیس اسٹیشنوں سے منسلک پولیس انسپکٹروں شری منتھا ہنسی کٹی اور سنیل نے انکاؤنٹر کے دوران فائرنگ کی۔

پولیس کے مطابق ان تینوں نے پیر کی دیر رات اناکل جھیل کے قریب 24 سالہ آکاش والمیکی کا بے دردی سے قتل کر دیا تھا۔ خفیہ اطلاع پر کارروائی کرتے ہوئے، افسران مشتبہ افراد کو پکڑنے کے لیے آگے بڑھے، جنہوں نے مبینہ طور پر گرفتاری میں مزاحمت کی، ٹیم پر حملہ کرنے کی کوشش کی اور موقع سے فرار ہونے کی کوشش کی۔

جھڑپ میں انسپکٹر ہنسی کٹی، سنیل اور کانسٹیبل متو لامانی اور شرن گوڈا لامانی بھی زخمی ہوئے۔ تمام زخمی اہلکاروں اور ملزمان کو علاج کے لیے کرناٹک انسٹی ٹیوٹ آف میڈیکل سائنسز (کے آئی ایم ایس) لے جایا گیا۔

ابتدائی تحقیقات سے پتہ چلا ہے کہ یہ قتل ایک پرانے تنازعہ کا نتیجہ ہے جو پچھلے سال شیوارتری تہوار کے دوران ہوا تھا، ملزم خوف پیدا کرنا چاہتے تھے۔

پولیس کمشنر این ششی کمار نے گرفتاری کی تصدیق کی اور کہا کہ جرم میں ملوث پانچ دیگر مشتبہ افراد کی تلاش شروع کر دی گئی ہے۔

انہوں نے کے آئی ایم ایس میں زخمی پولیس اہلکاروں اور ملزمان سے ملاقات کے بعد کہا ’’ملزمان کا مقصد دہشت کا ماحول پیدا کرنا تھا۔‘‘

معاملے کی مزید تفتیش جاری ہے۔