ٹرمپ دھمکیاں بند کریں ورنہ دوسری زبان میں جواب دیں گے: ایران
ایرانی میڈیا رپورٹس کے مطابق اپنے ایک بیان میں محمد باقر ذوالقدر نے کہا کہ امریکی صدر نے نو کروڑ دس لاکھ ایرانی عوام کو دھمکیاں دی ہیں، جو کسی بھی طور پر قابلِ قبول نہیں۔ انہوں نے امریکی قیادت کو مخاطب کرتے ہوئے کہا کہ آپ ایک ایسی قوم کے رہنما ہیں جس کی کوئی جڑیں نہیں ہیں، جبکہ اس کے برعکس ایرانی قوم ایک طویل تاریخ، عظیم تہذیب اور منفرد شناخت رکھتی ہے۔
تہران: ایران کی سپریم نیشنل سکیورٹی کونسل کے سیکریٹری محمد باقر ذوالقدر نے امریکی صدر ڈونلڈ ٹرمپ کو سخت جواب دیا ہے۔
ایران کی سپریم نیشنل سکیورٹی کونسل کے سیکریٹری محمد باقر ذوالقدر نے امریکی صدر کے حالیہ بیان پر سخت ردعمل کا اظہار کرتے ہوئے کہا ہے کہ اگر احترام کے دائرے میں رہ کر بات نہیں کی گئی تو ایران بھی دوسری زبان میں جواب دینے پر مجبور ہوگا۔
ایرانی میڈیا رپورٹس کے مطابق اپنے ایک بیان میں محمد باقر ذوالقدر نے کہا کہ امریکی صدر نے نو کروڑ دس لاکھ ایرانی عوام کو دھمکیاں دی ہیں، جو کسی بھی طور پر قابلِ قبول نہیں۔ انہوں نے امریکی قیادت کو مخاطب کرتے ہوئے کہا کہ آپ ایک ایسی قوم کے رہنما ہیں جس کی کوئی جڑیں نہیں ہیں، جبکہ اس کے برعکس ایرانی قوم ایک طویل تاریخ، عظیم تہذیب اور منفرد شناخت رکھتی ہے۔
سیکریٹری سپریم نیشنل سکیورٹی کونسل نے مزید کہا کہ ماضی میں بھی ایران کے خلاف دھمکیوں اور دباؤ کی پالیسی کا نتیجہ ہمیشہ امریکہ کے لیے شکست کی صورت میں نکلا ہے، اس لیے امریکی حکام کو ایسے غیر ذمہ دارانہ بیانات سے گریز کرنا چاہیے۔
