ٹرمپ کی متنازع اے آئی تصویر پر تنقید، سوشل میڈیا سے پوسٹ حذف

واشنگٹن: امریکی صدر ڈونلڈ ٹرمپ کو اپنی ایک متنازع اے آئی جنریٹڈ تصویر کے باعث شدید تنقید کا سامنا کرنا پڑا، جس کے بعد انہوں نے یہ پوسٹ سوشل میڈیا سے حذف کر دی۔

رپورٹس کے مطابق امریکی صدر ڈونلڈ ٹرمپ نے اپنے سوشل میڈیا پلیٹ فارم "ٹرتھ سوشل” پر ایک اے آئی سے تیار کردہ تصویر شیئر کی تھی، جس میں انہوں نے خود کو یسوع مسیح کے طور پر پیش کیا تھا۔

برطانوی نشریاتی ادارے کی رپورٹ کے مطابق اس تصویر کے سامنے آنے کے بعد مسیحی رہنماؤں کی جانب سے ٹرمپ پر توہین مذہب کے الزامات عائد کیے گئے۔

یہ تصویر پوپ لیو پر تنقیدی بیان کے ساتھ شیئر کی گئی تھی، جس کے باعث تنازع مزید بڑھ گیا۔

ٹرمپ کی یہ پوسٹ تقریباً 12 گھنٹے تک ان کے سوشل میڈیا پیج پر موجود رہی، تاہم شدید ردعمل کے بعد اسے حذف کر دیا گیا۔