لوفتھانزا ہڑتال کے پہلے روز 700 سے زائد پروازیں منسوخ
جرمن ٹریڈ یونین ویرینی گنگ کاک پٹ نے اس سے قبل 13 اور 14 اپریل کو لوفتھانزا کے پائلٹوں کی تیسری ہڑتال کی کال دی تھی۔ پائلٹوں اور فلائٹ اٹینڈنٹ کی ہڑتال کی پہلی اور دوسری لہر فروری اور مارچ 2026 میں آئی تھی، جس کے نتیجے میں جرمنی کے بڑے شہروں کے ہوائی اڈوں پر سینکڑوں پروازیں منسوخ ہو گئی تھیں۔
ماسکو: جرمنی کے سب سے بڑے ایئر لائن گروپ ‘لوفتھانزا’ میں ہڑتال کے پہلے ہی روز 700 سے زیادہ پروازیں منسوخ کر دی گئیں۔ یہ معلومات ‘ویرینی گنگ کاک پٹ یونین’ کی جانب سے دی گئی ہیں۔
جرمن ٹریڈ یونین ویرینی گنگ کاک پٹ نے اس سے قبل 13 اور 14 اپریل کو لوفتھانزا کے پائلٹوں کی تیسری ہڑتال کی کال دی تھی۔ پائلٹوں اور فلائٹ اٹینڈنٹ کی ہڑتال کی پہلی اور دوسری لہر فروری اور مارچ 2026 میں آئی تھی، جس کے نتیجے میں جرمنی کے بڑے شہروں کے ہوائی اڈوں پر سینکڑوں پروازیں منسوخ ہو گئی تھیں۔
یونین نے پیر کے روز ایک بیان میں کہا کہ ’’لوفتھانزا، لوفتھانزا کارگو، سٹی لائن اور یورو ونگز میں ہڑتال کا پہلا دن توقع کے مطابق گزر رہا ہے۔ اب تک 700 سے زائد پروازیں منسوخ کی جا چکی ہیں۔‘‘
ساتھ ہی یونین نمائندوں نے مذاکرات کے لیے اپنی آمادگی ظاہر کرتے ہوئے کہا کہ بات چیت اسی صورت ممکن ہے جب ملازمین کی تنخواہوں، پنشن اور دیگر مسائل پر غور کے لیے ٹھوس اور مناسب تجاویز پیش کی جائیں۔
یونین نے مسافروں کو ہونے والی زحمت اور گراؤنڈ اسٹاف پر پڑنے والے دباؤ پر افسوس کا اظہار کیا، تاہم اس بات پر زور دیا کہ آجروں (کمپنی مالکان) پر دباؤ ڈالنے کے لیے ہڑتال ایک ضروری ذریعہ بن چکی ہے۔
