حیدرآباد: شہرحیدرآبادمیں آگ لگنے کے دوواقعات پیش آئے۔پہلا واقعہ حیدرآباد: سکندرآباد مونڈا مارکٹ میں پوجا کے سامان کی دکان میں پیش آیا۔
اس واقعہ کے ساتھ ہی آگ دیگر چار دکانوں میں پھیل گئی۔
فائر بریگیڈ کو اطلاع دینے کے بعد عملے نے وہاں پہنچ کر آگ پر کافی جدوجہد کے بعد قابو پالیا۔
آگ پوجا سامان کی دکان کے ساتھ پلاسٹک کی دکانات تک پھیل گئی۔
اس واقعہ کے ساتھ ہی مقامی افراد میں خوف دیکھاگیا۔
پولیس نے احتیاطی تدابیر کے تحت آس پاس کی دکانیں بھی بند کردی ہیں۔ دوسراواقعہ پرانے شہر کے آئی ایس سدن پولیس اسٹیشن کے حدود مادناپیٹ میں ایک اسکراپ کے گودام میں پیش آیا۔
مقامی افرادنے اس بات کی اطلاع پولیس کو اطلاع دی۔ پولیس نے موقع پر پہنچ کر امدادی کارروائیاں شروع کر دیں۔
اطلاع ملتے ہی فائر بریگیڈ کے عملہ نے وہاں پہنچ کرآگ پر کافی جدوجہد کے بعد قابو پایا۔
اس واقعہ میں سامان مکمل طور پر جل کرخاکسترہوگیا۔ فائر بریگیڈ کے عملے کے مطابق آگ شارٹ سرکٹ کے باعث لگی۔ان دونوں واقعات میں کسی کی موت یا پھر کسی کے جھلسنے کی کوئی اطلاع نہیں ملی ہے۔
