امریکہ یوکرین کو دے گا 37.5 کروڑ ڈالر کا سیکیورٹی امدادی پیکج

واشنگٹن: امریکہ یوکرین کو 37.5 کروڑ ڈالر کا سیکورٹی امدادی پیکیج فراہم کرائے گا۔

اس کا اعلان اس ہفتے کے آخر میں امریکی صدر جو بائیڈن کریں گے۔

امریکی اخبار پولیٹیکو نے اس معاملے کا علم رکھنے والے امریکی اور یوکرینی افسران کا حوالہ دیتےہوئے اپنی رپورٹ میں یہ اطلاع دی ہے۔

رپورٹ میں جمعہ کو کہا گیا کہ بائیڈن اس ہفتے کے آخر میں جاپان کے شہر ہیروشیما میں جی 7 سربراہی اجلاس میں یوکرین کے صدر ولادیمیر زیلنسکی سے ملاقات کے بعد یہ اعلان کریں گے۔

رپورٹ کے مطابق پیکج میں توپ خانے کے گولے، بکتر بند گاڑیاں اور ٹینک شکن ہتھیار شامل ہوں گے۔