یوروپ

لندن کی سڑکوں پر ملٹری گھوڑے بدک گئے، 4 افراد زخمی (ویڈیو)

لندن میں 5 ملٹری گھوڑے بدک کر شہر کی سڑکوں پر دوڑ پڑے، اس دوران کم از کم 4 افراد زخمی ہوگئے بعدازاں انہیں دو گھنٹے بعد پکڑ لیا گیا۔

لندن: لندن میں 5 ملٹری گھوڑے بدک کر شہر کی سڑکوں پر دوڑ پڑے، اس دوران کم از کم 4 افراد زخمی ہوگئے بعدازاں انہیں دو گھنٹے بعد پکڑ لیا گیا۔

متعلقہ خبریں
لندن کے اسپتالوں پر سائبر حملوں سے متعدد آپریشنز منسوخ
لندن کی سڑکوں پر اونٹ کی سیر، کیا یہ عجیب نہیں (ویڈیو)
نواز شریف کی جلد پاکستان واپسی
نواز شریف کی وطن واپسی کی راہ ہموار
امرت پال سنگھ کی بیوی کی لندن بھاگنے کی کوشش ناکام

برطانوی نشریاتی ادارے کی رپورٹ کے مطابق بکنگھم پیلیس کے قریب گھوڑے بے قابو ہوکر دوڑ پڑے، گھوڑوں کو قابو کرنے میں دو گھنٹے لگے۔

خیال کیا جارہا ہے کہ بکنگھم پیلیس کے قریب تعمیراتی کام ہورہا تھا جس کے شور کی وجہ سے گھوڑے سواروں کو گرا کر لندن کی سڑکوں پر دوڑنے لگے۔

یہ گھوڑے صبح ہونے والی معمول کی فوجی مشقوں میں مصروف تھے۔گھوڑے کئی مقامات پر ٹریفک سے ٹکرائے، تصاویر میں دیکھا جاسکتا ہے کہ گھوڑوں کے ٹکرانے سے بس اور گاڑیوں کے شیشے ٹوٹ گئے ہیں، گاڑیوں کے ٹکرانے کے باعث ایک گھوڑا زخمی بھی ہوگیا۔

کچھ عینی شاہدین نے کہا کہ پہلے وہ سمجھے کہ یہ کسی فلم کی شوٹنگ ہورہی ہے۔
پولیس نے دو گھنٹے کی کوشش کے بعد گھوڑوں کو پکڑ لیا تاہم اس دوران 4 معمولی افراد زخمی ہوئے جنہیں ہسپتال منتقل کردیا گیا۔