مندر کا غیر مجاز حصہ منہدم پولیس اور مقامی افراد میں جھڑپ (ویڈیو)

نئی دہلی: دہلی پولیس اور مقامی افراد کے درمیان جو شہر کے منڈاواری علاقہ کے رہنے والے ہیں، اُس وقت جھڑپ ہوگئی جب حکام نے مندر کے غیر مجاز حصہ کو ہٹانے کا کام شروع کیا جس کے ساتھ ہی کئی احتجاجیوں کو حراست میں لے لیا گیا۔

امن و ضبط کی برقراری کے لئے بڑی تعداد میں پولیس ملازمین کو پیراملٹری فورسس کے ساتھ اِس علاقہ میں تعینات کردیا گیا ہے۔

حکام نے احتیاطی اقدام کے طور پر اِس مقام کے اطراف رکاوٹیں کھڑا کردی ہے۔ مقامی افراد اِس اقدام کے خلاف جمعرات کی صبح سے احتجاج کررہے ہیں۔