Video: برطانوی وزیر اعظم پر جرمانہ
تفصیلات کے مطابق برطانوی وزیر اعظم رشی سناک پر سوشل میڈیا ویڈیو بنانے کے دوران چلتی کار میں سیٹ بیلٹ نہ باندھنے پر جرمانہ عائد کر دیا گیا۔
مانچسٹر: لنکا شائر پولیس نے برطانوی وزیر اعظم رشی سناک کو سیٹ بیلٹ نہ باندھنے پر جرمانہ کر دیا۔تفصیلات کے مطابق برطانوی وزیر اعظم رشی سناک پر سوشل میڈیا ویڈیو بنانے کے دوران چلتی کار میں سیٹ بیلٹ نہ باندھنے پر جرمانہ عائد کر دیا گیا۔
برطانوی وزیر اعظم رشی سناک نے لنکا شائر میں اپنے دورے کے بعد ویڈیو پیغام جاری کیا تھا، اور اپنی غلطی پر معذرت کی تھی، تاہم لنکا شائر پولیس نے ویڈیو کلپ سامنے آنے کے بعد وزیر اعظم پر جرمانہ کر دیا۔
وزیرا عظم ہاؤس نے کہا ہے کہ رشی سناک مکمل طور پر تسلیم کرتے ہیں کہ یہ ایک غلطی تھی اور انھوں نے معافی بھی مانگ لی ہے اور وہ جرمانہ ادا کریں گے۔ب
رطانیہ میں سیٹ بیلٹ نہ باندھنے والے مسافروں کو دستیاب ہونے پر 100 پاؤنڈ جرمانہ کیا جا سکتا ہے، اگر کیس عدالت میں جاتا ہے تو یہ 500 پاؤنڈ تک بڑھ سکتا ہے۔
وزیر اعظم رشی سناک انگلینڈ کے شمال میں سفر کے دوران لنکا شائر میں تھے جب ویڈیو بنائی گئی، اس کا مقصد برطانیہ میں تمام شہریوں کو یکساں مواقع کی فراہمی کی پالیسی کے لیے اخراجات کا حصول ہے، یہ ویڈیو سناک کے انسٹاگرام اکاؤنٹ پر پوسٹ کی گئی تھی۔
یاد رہے کہ یہ دوسری بار ہے جب سناک کو حکومت میں رہتے ہوئے مقررہ جرمانے کا نوٹس ملا ہے، اس سے قبل انھیں میٹ پولیس لاک ڈاؤن قوانین کی خلاف ورزی پر بھی جرمانہ کیا جا چکا ہے۔
