تلنگانہ اسمبلی انتخابات کے لیے ووٹنگ شروع

حیدرآباد: تلنگانہ اسمبلی انتخابات کے لئے جمعرات کی صبح 7 بجے سے 119 حلقوں میں سخت سیکورٹی کے درمیان ووٹنگ شروع ہوگئی۔

ریاست بھر میں 35,655 سے زیادہ پولنگ اسٹیشنوں پر تمام تیاریاں بدھ کو ہی مکمل کر لی گئی تھیں۔

ووٹنگ کے لیے دو لاکھ سے زائد انتخابی عملے کو تعینات کیا گیا ہے۔ اس الیکشن میں 3.26 کروڑ سے زیادہ ووٹر الیکٹرانک ووٹنگ مشینوں کے ذریعے اپنا ووٹ ڈال کر 2290 امیدواروں کی قسمت کا فیصلہ کریں گے۔