تلنگانہ قانون ساز کونسل کی ورنگل۔ کھمم۔نلگنڈہ ایم ایل سی نشست کے ضمنی انتخاب کا نوٹیفکیشن جاری
مرکزی الیکشن کمیشن نے اس سلسلہ میں ایک نوٹیفکیشن جاری کیا ہے۔ پرچہ نامزدگی واپس لینے کی آخری تاریخ 13 مئی مقرر کی گئی ہے۔ پولنگ اس ماہ کی 27 تاریخ کو ہوگی۔ ووٹوں کی گنتی 5 جون کو ہوگی۔
حیدرآباد: تلنگانہ قانون ساز کونسل کی ورنگل۔ کھمم۔نلگنڈہ ایم ایل سی نشست کے ضمنی انتخاب کا نوٹیفکیشن جاری کردیاگیا ہے جس کے ساتھ ہی پرچہ نامزدگیوں کے ادخال کا سلسلہ بھی شروع ہو گیا ہے۔ پرچہ نامزدگی اس ماہ کی 9 تاریخ تک قبول کیے جائیں گے۔
مرکزی الیکشن کمیشن نے اس سلسلہ میں ایک نوٹیفکیشن جاری کیا ہے۔ پرچہ نامزدگی واپس لینے کی آخری تاریخ 13 مئی مقرر کی گئی ہے۔ پولنگ اس ماہ کی 27 تاریخ کو ہوگی۔ ووٹوں کی گنتی 5 جون کو ہوگی۔
گزشتہ انتخابات میں ایم ایل سی کے طور پرکامیاب پلاراجیشور ریڈی گزشتہ سال دسمبر میں ہوئے اسمبلی انتخابات میں جنگاوں ایم ایل اے کے طور پر منتخب ہوئے تھے جس پر انہوں نے کونسل کی اپنی نشست سے استعفی دے دیا تھا۔ اس استعفی کے سبب اس حلقہ کا ضمنی انتخاب لازمی ہوگیا تھا۔
اس دوران اس حلقہ میں 4,61,806 گریجویٹس نے بطور ووٹر رجسٹریشن کرایا ہے۔ الیکشن کمیشن نے اس ضمنی انتخاب کے لیے نلگنڈہ ضلع کلکٹر کوالیکشن آفیسر مقرر کیا ہے۔ امیدواروں کو نلگنڈہ کلکٹریٹ میں پرچہ نامزدگی داخل کرنا ہوگا۔
