غیر شائستہ الفاظ، خاتون نے سرعام سڑک پر نوجوان کی چپل سے پٹائی کردی

حیدرآباد: گاڑی پر جانے کے دوران غیر شائستہ الفاظ پر خاتون نے ایک نوجوان کی سرعام سڑک پرچپل سے پٹائی کردی۔

یہ واقعہ تلنگانہ کے محبوب آباد ضلع مستقرکے نہرو سنٹرعلاقہ میں پیش آیاجس کا ویڈیو وائرل ہوگیا۔تفصیلات کے مطابق یہ خاتون اپنی گاڑی پر جارہی تھی کہ اسی دوران ایک اور موٹر سائیکل پر سوار دو نوجوانوں میں سے ایک نے ناشائستہ الفاظ کا استعمال کیا تبصرہ کیا۔

اس پر خاتون نے اپنی گاڑی سے اترکر ان نوجوانوں کی بائیک کو رکوایا اورنوجوان کی پٹائی چپل سے کردی۔

قریبی کرانہ کی دکان کے مالک نے اس واقعہ کا ویڈیو لے لیا۔ یہ ویڈیو تیزی کے ساتھ وائرل ہوگیا۔

مقامی افراد نے خاتون کو روکنے کی کوشش کی تاہم اس نے مقامی افراد ا ور راہگیروں کی ایک نہ سنی اورنوجوان کی پٹائی کرتی رہی۔

اس واقعہ کی ویڈیو دیکھنے والوں نے اس کو مبارکباد پیش کی اور اس کی ستائش کی۔ بعض افرادنے کہاکہ خواتین کے ساتھ نامناسب رویہ اختیار کرنے والوں کو سرعام سڑک پر ایسی ہی سزا دینی چاہئے۔

بعض افراد نے کہاکہ خاتون نے نوجوان کو اچھا سبق سکھایا ہے۔