خواتین کم مسافت کیلئے پلے ویلگوبسوں کا استعمال کریں:سجنار

حیدرآباد:تلنگانہ آرٹی سی کے منیجنگ ڈائرکٹر وی سی سجنار نے ریاست کی خواتین سے خواہش کی کہ وہ کم مسافت کے لئے پلے ویلگوبسوں کا استعمال کریں۔

انہوں نے ایک ویڈیو پیام جاری کرتے ہوئے کہاکہ مہالکشمی اسکیم جس کے تحت ریاست بھر میں خواتین کو آرٹی سی بسوں میں مفت سفر کی سہولت پہنچائی جارہی ہے، پر کامیابی کے ساتھ عمل کیاجارہا ہے۔

انہوں نے کہاکہ اس اسکیم پر بہتر ردعمل سامنے آیا ہے کیونکہ ریکارڈ سطح پر خواتین بسوں میں سفر کررہی ہیں۔انہوں نے کہاکہ کئی خواتین کم فاصلہ کے علاقوں تک سفر کے لئے ایکسپریس بسوں کا استعمال کررہی ہیں جس سے دوردراز علاقوں میں سفر کرنے والوں کو مشکل صورتحال کا سامنا کرناپڑرہا ہے۔انہوں نے کم فاصلہ کے لئے پلے ویلگوبسوں کا استعمال کرنے پرزوردیا۔