راہول کی ریالی، بائک چلاتے ہوئے کونڈا سریکھا گرپڑیں

حیدرآباد: کانگریس قائد راہول گاندھی کی ریالی میں آج اُس وقت ہلچل مچ گئی جب بھوپالا پلی میں سابق رکن اسمبلی کونڈا سریکھا بائک چلاتے ہوئے گر پڑیں۔

آج راہول گاندھی نے بھوپالا پلی میں انتخابی مہم کیلئے ریالی نکالی تھی۔ اس ریالی میں کئی سینئر کانگریس قائدین اور کارکنوں نے شرکت کی تھی۔

ریالی میں شرکت کرنے کیلئے بائک چلاتے ہوئے کونڈا سریکھا بھی شامل ہوئیں، وہ بائک چلاتے چلاتے اچانک گر گئیں۔

انہیں معمولی زخم آئے۔ دوسری طرف راہول گاندھی کی تائید میں زبردست بائک ریالی نکالی گئی۔

پارٹی کارکنوں اور عوام کی بڑی تعداد نے بائک ریالی میں حصہ لیا۔ بائک ریالی کے بعد راہول گاندھی نے جلسہ عام سے خطاب کیا۔