گوشہ محل سے میں ہی پارٹی امیدوارہوں‘راجہ سنگھ کادعویٰ

حیدرآباد: ان قیاس آرائیوں کے درمیان کہ پارٹی قیادت نے موجودہ رکن اسمبلی کوحلقہ گوشہ محل خالی کرنے کی ہدایت دینے کے بعد بی جے پی سے معطل رکن اسمبلی راجہ سنگھ نے پیر کے روز خودہی اعلان کیا کہ گوشہ محل سے وہ پارٹی کے امیدوار رہیں گے۔

 اپنی جانب سے ایک ویڈیوجاری کرتے ہوئے راجہ سنگھ نے دعویٰ کیا کہ پارٹی قیادت نے انہیں احساس دلایا کہ حلقہ اسمبلی گوشہ محل سے وہ ہی پارٹی امیدوار رہیں گے۔

انہوں نے دعویٰ کیا کہ  ریاستی صدربی جے پی جی کشن ریڈی‘ کریم نگر کے ایم پی وپارٹی کے قومی جنرل سکریٹری بنڈی سنجے اور ڈاکٹر کے لکشمن ایم پی کی انہیں تائید حاصل ہے۔