تلنگانہ: شوہر نے بیوی کا قتل کردیا

حیدرآباد: تلنگانہ کے ضلع وقارآباد میں شوہر نے چاقو سے حملہ کرتے ہوئے بیوی کا قتل کردیا تفصیلات کے مطابق 30سالہ پینٹماں اور نرسملو جوڑے کے درمیان کچھ عرصہ سے جھگڑے ہورہے تھے۔گذشتہ شب بھی ان دونوں میں کسی بات پر بحث وتکرار ہوئی جس نے جھگڑے کی شکل اختیار کرلی۔

اسی جھگڑے کے دوران شوہر نے برہمی کے عالم میں بیوی کے سرپر چاقو سے حملہ کردیاجس کے نتیجہ میں پینٹماں موقع پر ہی ہلاک ہوگئی۔مقامی افرادنے منگل کی صبح پولیس کو اطلاع دی جس کے بعد پولیس نے موقع پر پہنچ کر لاش کو پوسٹ مارٹم کے لئے بھیج دیا۔

 پولیس نے اس خصوص میں مقدمہ درج کر لیا ہے اور نرسملو کو گرفتار کرلیا جس سے پوچھ گچھ کی جارہی ہے۔