تلنگانہ میں موسلا دھار بارش، کے ٹی آر سالگرہ نہیں منائیں گے

حیدرآباد: تلنگانہ کی حکمران جماعت ٹی آر ایس پارٹی کے کارگذارصدر اور وزیر انفارمیشن ٹکنالوجی کے تارک راما راو نے کہا ہے کہ وہ ریاست بھر میں شدید بارش کے پیش نظر اپنی سالگرہ کی تقریبات سے دور رہ رہے ہیں۔ انہوں نے کہا کہ کئی اضلاع میں شدید بارش اور سیلاب کی وجہ سے لوگ مشکلات کا شکار ہیں۔ وزیرموصوف نے پارٹی کے نمائندوں اور لیڈروں سے اپیل کی کہ وہ سالگرہ منانے کے بجائے مقامی لوگوں کی مدد کریں۔