راجہ سڑکوں پر عوام کی آواز کچل رہا ہے: راہول

نئی دہلی: کانگریس قائد راہول گاندھی نے اتوار کے دن احتجاجی پہلوانوں کے خلاف دہلی پولیس کی کارروائی پر بی جے پی حکومت پر سخت تنقید کی اور کہا کہ راجہ سڑکوں پر عوام کی آواز کچل رہا ہے۔

ہندی میں ٹویٹ میں انہوں نے کہا کہ تاج پوشی ہوگئی‘ گھمنڈی راجہ سڑکوں پر عوام کی آواز سلب کررہا ہے۔ انہوں نے احتجاجی پہلوانوں کے ساتھ دہلی پولیس کی ہاتھاپائی کا ویڈیو منسلک کیا۔

دہلی پولیس نے جنتر منتر سے نئے پارلیمنٹ ہاؤز کی طرف مارچ کرنے کی کوشش پراحتجاجی پہلوانوں کو حراست میں لے لیا۔

راہول گاندھی نے پارلیمنٹ کو عوام کی آواز قراردینے پر بھی حکومت پر طنز کیا۔ انہوں نے نئے پارلیمنٹ ہاؤز کا افتتاح کرنے پر وزیراعظم نریندر مودی کو نشانہ تنقید بنایا اور کہا کہ وہ اس افتتاح کو تاج پوشی سمجھتے ہیں۔