دہلی

صحافی محمد زبیر کی گرفتاری میں دہلی کے تاجر کا ہاتھ

تحقیقات سے پتہ چلا ہے کہ یہ گمنام ٹویٹر ہینڈل ایک 36 سالہ رئیل اسٹیٹ تاجر چلارہا تھا جس کا بنیادی تعلق راجستھان میں اجمیر سے ہے اور فی الحال وہ دہلی کے دوارکا علاقہ میں رہتا ہے۔

نئی دہلی: آلٹ نیوز کے شریک بانی محمد زبیر کی گرفتاری کے پس پردہ دہلی کا ایک رئیل اسٹیٹ تاجر ہے جس کا بنیادی تعلق راجستھان کے اجمیر سے ہے۔ پولیس عہدیداروں نے اس شخص کا نام نہیں بتایا۔وہ ایک ٹویٹر ہینڈل @balajikijaiin کی شناخت کرنے کی کوشش کررہے ہیں جو ہنومان بھکت کے نام کے تحت چلایا جارہا ہے۔

 انہوں نے کہا کہ اس شخص کے کسی سیاسی جماعت سے تعلق کا کوئی ثبوت نہیں۔ تحقیقات سے پتہ چلا ہے کہ یہ گمنام ٹویٹر ہینڈل ایک 36 سالہ رئیل اسٹیٹ تاجر چلارہا تھا جس کا بنیادی تعلق راجستھان میں اجمیر سے ہے اور فی الحال وہ دہلی کے دوارکا علاقہ میں رہتا ہے۔ پولیس نے آئی پی اڈریس کی بنیاد پر اس کا پتہ چلایا اور اسے تحقیقات میں شامل ہونے رسمی نوٹس دی گئی۔