یوم آزادی: سکندرآباد ریلوے اسٹیشن کی تلاشی لی گئی

حیدرآباد: یوم آزادی کی تقاریب کے سلسلہ میں سکندرآباد ریلوے اسٹیشن میں جی آرایف اور آرپی ایف پولیس کے اہلکاروں نے تلاشی لی۔کسی بھی ناگہانی واقعہ کو روکنے کے لئے ریلوے اسٹیشن کے تمام پلیٹ فارمس سمیت باہر کے علاقہ کی بھی تلاشی لی گئی۔

ریلوے اسٹیشن کے مسافرین کے سوٹ کیسس کے بشمول دیگر لگیج کی بھی ڈاگ اسکواڈ کے ذریعہ تلاشی لی گئی۔ساتھ ہی مسافرین سے خواہش کی گئی کہ کسی بھی مشتبہ شخص کی اطلاع پولیس کو دی جائے۔ساتھ ہی ان کو پولیس ہیلپ لائن، جی آرپی ہیلپ لائن کی تفصیلات سے بھی واقف کروایاگیا۔